فیس بُک کچھ انجانی معلومات
آج اپنے گلدستہ کے پیج کے دوستوں کو فیس بک کی کچھ بہترین ٹپس کے بارے میں بتاتے ہیں جو کہ آپ کو فیس بک کے استعمال میں مدد گار ثابت ہوں گی۔ ہوسکتا ہے آپ ان کے بارے میں نہ جانتے ہوں اور آپ کو ان کی ضرورت بھی ہو۔اکثر دوست مجھے مسیجز کرتے ہیں کہ آپ کی پوسٹ میرے نیوز فیڈ میں نہیں آتیں تو ان کے لئے یہ معلومات بڑی فائدہ مند ہوگی۔ اگر آپ مخصوص افراد یا پیجز کو سب سے پہلے اپنے نیوز فیڈ پر دیکھنا چاہتے ہیں تو اس کے لیے فیس بک موبائل ایپ میں آپشن موجود ہے۔ ایپ کے مور پر کلک کرکے سیٹنگز اور پھر نیوز فیڈ پریفریسز میں جائیں۔ وہاں اپنے پسند کے افراد کو پیجز پر مارک کردیں جن کی پوسٹ نیوزفیڈ پر سب سے اوپر ظاہر ہونے لگیں گی۔
فیس بک کی گیمز جیسے کینڈ کرش کھیلنے کے لیے انوائیٹ کی درخواستوں کو روکنا کا بھی طریقہ کار موجود ہے۔ فیس بک کی موبائل ایپ کے مور ٹیب کے اندر سیٹنگز پر جائیں اور پھر اکاؤنٹ سیٹنگز پھر نوٹیفکیشن۔ اس کے بعد موبائل پر نیچے کی جانب اسکرل کریں اور اپلیکشن انوائیٹس کو ان چیک کردیں۔
فیس بک موبائل اپلیکشن میں اپنی پروفائل تصویر کا انتخاب کریں اور پھر نئی پروفائل ویڈیو کے آپشن پر کلک کرکے اپنی کوئی سات سیکنڈ تک کی ویڈیو کو اپ لوڈ کردیں۔ اس کا نتیجہ ایک اینیمیٹڈ جی آئی ایف جیسا ہوگا اور آپ کی پروفائل تصویر بھی حرکت کرنے لگے گی۔
فیس بک پر جن موضوعات پر اس وقت بہت زیادہ بحث ہورہی ہو وہ ٹرینڈنگ لسٹ کا حصہ بن جاتے ہیں۔ ڈیسک ٹاپ پر نیوز ڈیسک کے دائیں جانب ان تک رسائی ہوسکتی ہے جبکہ موبائل ایپ میں سرچ بار کے نیچے اسے دیکھا جاسکتا ہے۔
اگر آپ نہیں چاہتے کہ فیس بک نیوز فیڈ پر ویڈیوز خودکار طور پر چلنا شروع کردیں تو اس کی سیٹنگ آف کردیں۔ اس کے لیے سیٹنگز میں جائیں وہاں بائیں جانب سے سب نیچے ویڈیوز کا آپشن ہوگا، اس پر کلک کریں اور آٹو پلے ویڈیو کے آپشن کو آف کردیں۔
فیس بک کے آن دس ڈے فیچر کے ذریعے گزشتہ سال یا کئی سال پہلے کے اسی دن کی سرگرمیوں کو دکھایا جاتا ہے جسے آپ ہی دیکھ سکتے ہیں۔جبکہ ماضی کی سرگرمی کو مخصوص افراد کی نظروں سے لانے کے لیے بھی آپشن موجود ہے۔
www.facebook.com/onthisday
فیس بک ایکٹیوٹی لاگ میں اس سائٹ پر کی جانب والی تمام سرگرمیوں کا ریکارڈ موجود ہوتا ہے۔ اس تک رسائی آپ کی پروفائل پر جاکر بہت آسانی سے موبائل ایپ اور ڈیسک ٹاپ سائٹ پر ممکن ہے۔
فیس بک پر کسی سے تعلق کے دو راستے ہوتے ہیں، دوست بن جانا یا اس کو فالو کرنا شروع کردینا۔ فرینڈز بننے کا مطلب یہ ہے کہ آپ اور دوسرے فرد نے ایک دوسرے کی پوسٹس شیئرز کرنے کی اجازت دے دی ہے، جبکہ فالوونگ کرنے کا مطلب یہ ہے کہ وہ شخص آپ کو دوست کی طرح ایڈ نہیں کرسکتا۔ جب کوئی شخص آپ کو فالو کرتا ہے تو وہ وہی پوسٹس دیکھ پاتا ہے جو آپ پبلک شیئر کرتے ہیں۔ آپ کسی بھی وقت اپنے اکاﺅنٹ میں لوگوں کو فالو کرنے سے روک بھی سکتے ہیں جس کے لیے اکاﺅنٹ سیٹنگ میں فالوور کے حصے میں جانا ہوگا۔
یہ جاننا کبھی بہت فائدہ مند ثابت ہوتا ہے کہ آپ کی پروفائل دیگر کو کیسے نظر آتی ہے جن میں آپ کے ایسے دوست بھی ہوسکتے ہیں جن سے ماضی میں کبھی کوئی بات چھپائی گئی ہے۔ جب آپ ڈیسک ٹاپ پر اپنی پروفائل میں جاتے ہیں تو ویو ایکٹیوٹی لاگ کے برابر میں کلک کرنے سے آپ ویو ایز کی مدد سے دوسروں کی نظر سے اپنی پروفائل دیکھ سکتے ہیں۔
اگر کسی وجہ سے آپ نہیں چاہتے کہ لوگ یہ نہ دیکھ سکیں کہ آپ کے دوستوں میں کون کون شامل ہے تو آپ اس فہرست کو مکمل طور پر غائب کرسکتے ہیں۔ ڈیسک ٹاپ پر اپنی فرینڈز لسٹ پر ' مینیج' پر کلک کریں اور پھر ایڈیٹ پرائیویسی پر۔ اس کے بعد آپ فرینڈز لسٹ کو دیکھنے والوں کے آپشن کو تبدیل کرسکتے ہیں۔
اگر آپ نے کوئی ایسا فوٹو البم اپ لوڈ کیا ہے جو دیگر افراد کو نہیں دکھانا چاہتے اور اسے ڈیلیٹ بھی نہیں کرنا چاہتے تو آپ اسے ہائیڈ کرسکتے ہیں۔ فوٹو البم یا پوسٹ کے اوپر چھوٹے سے گرے آئیکون پر کلک کریں اور اپنی حد تک محدود کرلیں یا پبلک سے ہٹا کر فرینڈز یا مخصوص افراد تک محدود کردیں۔
فیس بک کے لاگ ان الرٹس اور لاگ ان اپروول کو ڈیسک ٹاپ اور موبائل ایپ میں سیکیورٹی سیٹنگز میں جاکر آن کیا جاسکتا ہے۔ آپ یہ انتخاب کرسکتے ہیں کہ جب بھی آپ کا اکاؤنٹ لاگ ان ہو تو آپ کو ایک نوٹیفکیشن یا ای میل موصول ہو۔ لاگ ان اپروول کا سسٹم اپنانے پر آپ کو کسی بھی نئی ڈیوائس پر فیس بک پر لاگ ان ہونے سے قبل ہر بار ایک کوڈ کو ڈالنا ہوگا۔
آپ فیس بک پر اپنے نوٹیفکیشن کی تعداد کو بھی محدود کرسکتے ہیں۔ اس کے لیے آپ ڈیسک ٹاپ اور فون میں اکاؤنٹ سیٹنگز میں جاکر نوٹیفکیشنز میں جائیں اور تعداد کو ایڈجسٹ کرلیں۔
اگر آپ فیس بک پر روزانہ فرینڈز کی برتھ ڈیز کے نوٹیفکیشنز سے بیزار ہوچکے ہیں تو آپ انہیں بند بھی کرسکتے ہیں۔ اکاؤنٹ سیٹنگز میں نوٹیفکیشنز میں جاکر آپ برتھ ڈیز کے آپشن کو آف کرسکتے ہیں۔
اگر آپ کسی دوست کی فیس بک سرگرمی پر نظر رکھنا چاہتے ہیں یا جب وہ کچھ بھی شیئر ہو تو آپ کو پتا چل جائے تو اس کی پروفائل میں فرینڈز کے آپشن پر کلک کرنے پر ایک مینیو سامنے آجائے گا جس میں سے گیٹ نوٹیفکیشنز پر کلک کردیں۔
